24-vjeçarja E.Pishkashi, e cila mbeti e plagosur rëndë në aksidentin në aksin rrugor Përrenjas-Qafë Thanë nuk ka mundur t’u mbijetojë plagëve të marra dhe ka ndërruar jetë në spitalin e Traumës.
5 ditë më parë e reja u aksidentua bashkë me pesë anëtarë të familjes teksa ishin duke pritur jashtë ambienteve të një karburanti.
Nga hetimet rezultoi se 44-vjeçari Jetmir Daci ishte në gjendje të dehur kur përplasi fillimisht me një makinë, humbi kontrollin e mjetit dhe përfundoi në një servis.
Por, edhe pse në gjendje të dehur 44-vjeçari nuk u arrestua dhe vetëm këtë të shtunë, 5 ditë pas ngjarjes policia e ka arrestuar.
