Në dhjetra qytete, mijëra qytetarë italianë kanë dalë në protestë për vdekjet e shumta të punëtorëve në vendin e punës. Në kohën që po mbahej protesta, një shqiptar, humbi jetën në një kantier ndërtimi dhe tubimi u ashpërsua.
Ata kërkojnë më shumë siguri në vendet e punës, respektimin e të drejtave të punëtorëve dhe një reformë për taksat që paguajnë. Shumë shqiptarë kanë humbur jetën në vendet e punës në Itali dhe sindikatat janë organizuar për protestat.
E njëjta gjë nuk ndodh në Shqipëri. Qindra punëtorë kanë humbur jetën në kantieret e ndërtimit të oligarkëve, por askush nuk proteston.
