Gjykata e Lezhës ka caktuar masën e sigurisë “arrest me burg” për dy të arrestuarit në Kashnjet të Lezhës.
Armel Nikdukaj dhe Elvis Shpellazi u lanë në burg pasi u arrestuan pak ditë më parë në stanin e përshtatur për kultivimin e bimëve narkotike.
I ndaluar në këtë operacion anti-drogë ishte edhe Armando Ndreca, vëllai i deputetit socialist Eduart Ndreca.
Por për Ndrecën, gjykata ka caktuar vetëm masën “detyrim paraqitje” duke e cilësuar të paligjshëm ndalimin e tij.
Në stanin në mes të pyllit u sekuestruan 2973 bimë narkotike (disa prej tyre fidanë të gatshëm për t’u kultivuar në tokë), një sasi lënde narkotike cannabis sativa, 50 llamba, pajisje ventilimi, sende të tjera që i shërbenin kësaj veprimtarie kriminale dhe 3 celularë.