“Vjen nga mali dhe vë çadër në det“/ Xhaçka: Doja të thoja që hoteli është rrëzë malit!

“Plazhin e duam që mos të na vijë dikush nga mali të na vër çadrën aty”, kjo ishte fraza që deputetja socialiste përdori teksa u pyet se përse bashkëshorti i saj është bërë investitor në Himarë.

Mirëpo, pasi komenteve dhe zhurmës në rrjetet sociale, por jo vetëm, e preferuara e Edi Ramës, ka bërë një hap pas, por sërish nuk ka dalë nga gropa ku është futur.

Pak minuta më parë në një tjetër intervistë ajo ka thënë:

Nuk kam thënë po rrethojmë njerëzit nga mali. Nuk i kam parë komentet në rrjet. Por sërish është vazhdim i komenteve dashakeqe dhe fjalimeve të nxjerra nga konteksti. I kanë dhënë konotacion krahinor është dashakeqe. Doja të thoja që hoteli është në rrëzë të malit. Që ti japësh konotacione krahinore. Absolutisht jo. Të gjithë ata që i njoh dhe të gjithë ata që kanë komentuar origjinën nuk e kanë më shumë se unë. Origjina ime është mbi 1330 metra mbi nivelin e detit. Këto janë vërtet qesharake. Më vjen keq që me dashakeqësi e nxjerrin nga konteksti.