Amarildo Gjergji, 17 vjeç është plagosur ne thikë mbrëmjen e kaluar në Bërdicë. Detaje të reja kanë dalë në dritë nga ngjarja e rëndë.
Sipas informacioneve, i riu ka marrë vetëm një plumb nga Gent Dushku ndërsa ndodhet jashtë rrezikut për jetën. Skena e krimit ka ndodhur në sytë e prindërve të 17-vjeçarit.
Dushku është shpallur në kërkim nga policia e Shkodrës.
Si lindi konflikti?
Arsyeja e sherrit të përsëritur mes familjeve Luka dhe Gjergji të cilët janë komshinj me njëri-tjetrin, lidhet me një vajzë.
Gent Dushku me banim në lagjen “Xhabiej”, Shkodër, dhëndër në familjen Luka, ka shkuar mbrëmjen e djeshme në Bërdicë. Aty ka nisur një debat me babain e të plagosurit.
Ky i fundit ka dalë me një kaçavidë në dorë dhe në ato momente dyshohet se Gent Dushku i ka qëlluar me armë djalin 17-vjeçar duke e lënë të plagosur. Në momentin e plagosjes në rrugë ndodhej edhe nëna e shtetasit të plagosur.
