Mbrëmjen e sotme ekipi polak i Legia Warszawa u përball me Aston Villa në ndeshjen e grupeve të Conference League.
Ishin polakët ata që kaluan të parët në avantazh dhe e mbyllën ndeshjen me fitoren 3-2.
Sulmuesi shqiptar Ernest Muçi ishte ai që la gjurmë në këtë ndeshje pasi shënoi dy super gola. Ai arriti të shënonte dy gola në portën e kampionit të botës Emiliano Martinez, një në minutën e 26-të dhe një në të 51.
Ndërkohë mësohet se në stadiumin e Legias, sot ndodhej edhe trajneri i Kombëtares, Silvinjo, i cili ka udhëtuar drejt Varshavës për të ndjekur dhe takuar futbollistin e tij, i cili duhet thënë është një vlerë e shtuar te kuqezinjtë.
