Dy persona kanë humbur jetën në aksidentin e tmerrshëm që ka ndodhur sonte në mbrëmje në territorin e Komunës së Podujevës.
Për këtë rast kanë folur për media edhe nga Policia e Kosovës.
Ata e kanë konfirmuar rastin e këtij aksidenti.
Zëdhënësja e Policisë së Kosovës, Flora Ahmeti, për media ka konfirmuar se janë lënduar tre persona, derisa dy prej tyre kanë vdekur pasi s’kanë mundur t’i përballojnë plagët.
“Sot rreth orës 20:30 në rrugën që lidhë fshatin Sfeqël me fshatin Shajkovc të Podujevës, ka ndodhur një aksident trafiku, ku është përfshirë një veturë. Si pasojë e aksidentit tre persona kanë pësuar lëndime të rënda trupore.
Dy nga personat e lënduar nuk kanë arrit të përballojnë plagët e shkaktuara nga aksidenti dhe të njëjtit kanë vdekur. Vdekjen e viktimave e ka konstatuar ekipi mjekësor në vendngjarje.Me hetimin për zbardhjen e shkaqeve të këtij vetaksidenti, po merren hetuesit nga Njësiti i trafikut”, ka deklaruar Ahmeti.
JOQ Kosova nga burimet e saja mëson se viktimat janë Ultrim Mehmeti dhe Qëndrim Boshnjaku.
Ultrim Mehmeti
Qëndrim Boshnjaku.
