Ditën e djeshme, JOQ ALBANIA denoncoi me pamje një kamionçinë në Këlcyrë e cila transportonte disa materiale në mënyrë të pasigurt duke kryer manovra të rrezikshme.
Duke marrë shkas nga ky denoncim, Policia ka identifikuar drejtuesin e automjetit që shfaqet në video, i kanë vendosur masën administrative 21 000 lekë të rinj, si dhe i kanë tërhequr lejen e drejtimit.
Njoftimi i Policisë Këlcyrë, Përmet
Kreu manovra me një automjet (kamionçinë) me ngarkesë të pasistemuar sipas kushteve të sigurisë, që përbënte rrezik për automjetet e tjera, ndëshkohet me masë administrative dhe i tërhiqet leja e drejtimit.
Policia Rrugore e Gjirokastës, pas publikimit të një videoje në portalin JOQ, në të cilën shfaqej një automjet kamionçinë me ngarkesë të pasistemuar, drejtuesi i të cilit kryente manovra, ka organizuar veprimet për identifikimin e drejtuesit të këtij automjeti dhe ndëshkimin e tij për shkeljet e kryera.
Shërbimet e Policisë Rrugore kanë identifikuar drejtuesin e automjetit që shfaqet në video, i kanë vendosur masën administrative 21 000 lekë të rinj, si dhe i kanë tërhequr lejen e drejtimit, bazuar në nenet 141, 162 dhe 124 të Kodit Rrugor.
Policia Rrugore e Gjirokastrës apelon për të gjithë drejtuesit e mjeteve që të respektojnë rregullat e qarkullimit rrugor.
