Emocionet, entuziazmi dhe brohorimat kanë pushtuar stadiumin “Air Albania”pas fitores së kombëtares shqiptare ndaj Polonisë mbrëmjen e djeshme.
Mes emocioneve të pafunshme, mbrojtësi i kombëtares Ardian Ismaili menjëherë pas fitores është afruar tek tifozët për të përqafuar të ëmën.
Ndërkohë që i gjithë stadiumi këndonte këngën “Mora fjalë” në nder të Adem Jasharit, futbollistët takuan edhe të afërmit e tyre që po i ndiqnin në shkallë.
Kombëtarja shqiptare e futbollit ka fituar me rezultatin 2-0 ndeshjen kundër Polonisë, me dy gola të mrekullueshëm të Jasir Asanit në pjesën e parë dhe Mirlind Dakut në pjesën e dytë, duke i renditur kuqezinjtë në vendin e parë të grupit E me 10 pikë.
