Presidenti i Francës, Emmanuel Macron dhe kancelari i Gjermanisë Olaf Scholz kanë kërkuar zgjedhje të reja në 4 komunat me shumicë serbe në veri të Kosovës.
Macron gjatë një bisede me kancelarin gjerman Olaf Scholz ka rënë dakord që Serbia dhe Kosova të mbajnë zgjedhje të reja në këto komuna.
Në deklaratën e tij për shtyp ai tha:
Franca dhe Gjermania u kërkuan udhëheqësve të Kosovës dhe Serbisë të organizojnë zgjedhje të reja në rajonet e prekura nga trazirat sa më shpejt që të jetë e mundur.
Më tej ai tha se gjatë javëve të ardhshme do të ketë “vendim të qartë” për situatën në veri të Kosovës dhe se për këtë gjë ka diskutuar me Scholz, Vjosa Osmanin dhe Aleksandër Vuçiç.
Vlen të thuhet se prej disa ditësh tanimë situata në veri të Kosovës është tensionuar pasi shkak janë bërë zgjedhjet e jashtëzakonshme lokale në komunat Zveçan, Zubin Potok dhe Leposaviq
Këto zgjedhje janë bojkotuar nga komuniteti serb dhe kjo ka sjellë edhe trazira gjatë këtyre ditëve.
