Një aksident ka ndodhur në Lushnje. Një makinë tip ‘Volkswagen” ka rënë përmbys në kanalin buzë rrugës te rrethrrotullimi i Plugut. Konkretisht shoferi i mjetit Gledion Velcani 30 vjeç nga Porteza e Fierit ka humbur kontrollin e mjetit për shkak të shpejtësisë dhe ka përfunduar jashtë rrugës, në kanal.
Ai ka qenë duke udhëtuar bashkë me gruan e tij dhe fatmirësisht nuk janë plagosur. Burrë e grua të aksidentuar janë ndihmuar dhe janë nxjerrë nga mjeti, nga personat që kanë bizneset pranë vendit ku u regjistrua ngjarja. Policia ka shkuar në vendin e ngjarjes për të hetuar më tej rrethanat e aksidentit.
