Gjykata e Posaçme ka dhënë vendimin “arrest me burg” për Fredi Belerin si dhe ka vendosur të lirojë Pandeli Kokaveshin.
Seanca në GHJKKO nisi sot në orën 10:00 për ankimimin e masës së sigurisë “arrest me burg” për Fredi Belerin dhe Pandeli Kokaveshin, të dy të akuzuar për korrupsion aktiv në zgjedhjet e 14 majit në Himarë.
Mësohet se kryebashkiaku i zgjedhur i Himarës, nuk është paraqitur në seancë, ai u përfaqësua nga avokatët e tij të cilët kërkojnë një masë më të butë sigurie për të.
