"Aman, mos më lini të diskutojë më atë për projekte" – ishte kjo lutja që i bëri kryeministri Rama himariotëve gjatë fushaës elektorale. Fredi Beleri ishte një nga kandidatët që kreu i qeverisë bullizoi me gjeste, mimika e tinguj zanor të dalë nga goja e tij. Rama nuk dha arsye tjetër përveç faktit se Beleri ishte një i paditur që nuk meritonte të drejtonte Himarën dhe se kreu i qeverisë nuk gjente dot pika komunikimi me të.
Mirëpo vëllai i Fredi Belerit, Leonard Beleri, ka dhënë një tjetër arsye se përse u orkestrua sipas tij arrestimi. Një intervistë për televizionin Skai në Greqi, Leonard Beleri, ka akuzuar qeverinë dhe drejtësinë shqiptare se arrestimi i të vëllait është i qëllimshëm. Sipas tij Himara është një tokë e lakmuar nga njerëzit pranë qeverisë për të ndërtuar hotele dhe resorte luksoze.
Në fakt vija brendetare e Jugut, duke nisur nga Palasa e deri në Ksamil është mbushur me investitorë strategjikë. Mijëra hektarë pronë publike po u falen për një euro privatëve, të cilët ngren resorte luksoze për t'u pasuruar edhe më shumë, ndërkohë që shqiptarët nuk kanë marrë ende tapitë e tokave nag procesi i legalizimit.
