Protestës në Zveça i janë bashkuar edhe punonjësit e 'KBC Kosovska' Mitrovica. Me bluza të bardha dhe flamurin serb, punonjësit i janë bashkuar protestës që ka krijuar trazira dhe tensione në veri të Kosovës.
Ndër protestuesit, është vënë re prezenca e krerëve të Listës Serbe Igor Simiç dhe Goran Rakiç. Numri i pjesëmarrësve serbë sot është më i lartë, ndërsa KFOR dhe policia e Kosovës kanë shtuar masat, duke krijuar një perimetër sigurie rreth selive të komunave veriore përmes një gardhi me tela me gjemba.