Përfundon gjykimi për zjarrin në Spitalin modular në Tetovë

Shkruar nga: B Hasi | Publikuar më: 29.05.2023, 13:16

Më 5 qershor do të sillet aktgjykimi për zjarrin në Spitalin modular në Tetovë.

Në seancën e sotme, në të cilën u thanë fjalët përfundimtare, përfundoi procesi gjyqësor, ndërsa trupi gjyqësor vendosi që në seancën e ardhshme të jepet vendimi.

Në seancën e sotme, Prokuroria kërkoi që të dënohen katër të akuzuarit për zjarrin në Spitalin modular, edhe atë Spitali Klinik i Tetovës si person juridik, dy ish-drejtorët e spitalit, Florin Besimi dhe Artan Etemi si dhe mjeku Boban Vuçevski.

Vendimin e kundërshtoi pala mbrojtës e të akuzuarve dhe kërkoi lirimin e tyre.

Ish drejtorët Florin Besimi dhe Artan Etemi ngarkohen për veprën penale “vepra të rënda kundër sigurisë së përgjithshme”, ndërsa mjeku Boban Vuçevski për “mosrespektim të rregullave shëndetësore gjatë kohës së epidemisë”. Spitali klinik si subjekt juridik ngarkohet për dy vepra penale – “shkaktimin e rrezikut publik” dhe “mosveprim të rregullave shëndetësore gjatë epidemisë”.

Në fillim të gjykimit ata theksuan se e kuptojnë akuzën, por se nuk ndihen fajtorë. Gjykimi filloi në dhjetor të vitit 2022.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit