Ganiu: Për çdo bashkëpunim në nivel lokal kemi njoftuar Ali Ahmetin, gjithçka kemi bërë me aminin e tij

Shkruar nga: B Hasi | Publikuar më: 28.05.2023, 20:46

Kreu i komunës së Çairit, njëherë edhe pjesë e Fraksionit të BDI-së, Visar Ganiu ka reaguar ndaj deklaratave të zëdhënësit të BDI-së, Bujar Osmani në lidhje me bashkëpunimin në nivel lokal të “Grupit të Zjarrit” me kreun e Qytetit të Shkupit, Danella Arsovska.

Ganiu thotë se për këtë lloj bashkëpunimi ka qenë i informuar kryetari Ali Ahmeti dhe se të njëjtat veprime nuk paraqesin shkelje të statutit të partisë. Ai shton se për këtë temë është biseduar në “Kryesinë Qendrore të BDI-së dhe për këtë temë ka dhënë sqarime vet nënkryetari Izet Mexhiti dhe sekretari organizativ Blerim Bexheti ku një bashkëpunim të tillë e ka konfirmuar kryetari Ali Ahmeti”

“Çdo koalicionim apo bashkëpunim dhe për çdo detal nga ato koalicionime e bashkëpunime që kemi bërë në nivel lokal qoftë në periudhën e zgjedhjeve apo dhe pas zgjedhjeve jemi konsultuar dhe e kemi informuar për gjithçka liderin e partisë Ali Ahmetin dhe gjithçka që kemi bërë e kemi bërë me aminin e tij. Do të ishte mirë Bujar ta pyesësh liderin se je zëdhënës dhe është turp mos ta dish çka po ndodh në partinë tënde”, tha Ganiu.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit