Pas ndeshjes Vllaznia-Laçi që u mbajt në stadiumin "Loro Boriçi" , u regjistruan incidente.
Mësohet se pas sfidës së dy skuadrave, është sulmuar makina e delegatit Alban Tafaj duke u shkatërruar.
Vllaznia dhe Laçi barazuan 1-1 për javën e 35-të në Superligë dhe pas kësaj, tifozët e Vllaznisë kanë sulmuar makinat në parking, një ndër to edhe mjetin e zyrtarit të FSHF-së, Alban Tafaj.
Sulmi erdhi pasi tifozët e Vllaznisë ishin të pakënaqur me mënyrën e arbitrimit dhe kanë patur kontestimet e tyre gjatë ndeshjes.