Persona të armatosur kanë sulmuar spitalin në veri të Sirisë, ku po mbahet foshnja që lindi nën rrënojat e shtëpisë së saj të shembur.
Lajmin e bëri të ditur një zyrtar, i cili duke folur në kushte anonimiteti, tha se sulmuesit ndoqën drejtorin e klinikës dhe e rrahën atë.
Vajza, e cila është quajtur Aya, në arabiaht do të thotë "një shenjë nga Zoti", ka qenë në spital që nga tërmeti që goditi Turqinë dhe Sirinë javën e kaluar.
Zyrtari tha se drejtori i spitalit kishte dyshuar se një infermiere që po fotografonte Aya-n po planifikonte ta rrëmbente atë dhe e kishte pushuar nga puna.
Infermierja u kthye disa orë më vonë, e shoqëruar nga personat e armatosur që nisën sulmin. Nëna, babai dhe katër vëllezërit e motrat e Aya-s vdiqën në katastrofë dhe ajo është monitoruar nga afër që nga lindja e saj, me njerëz nga e gjithë bota që i ofrohen për ta ndihmuar.
Megjithatë, disa persona janë shfaqur duke pretenduar në mënyrë të rreme se janë të afërm të saj, duke bërë që policët lokalë ta ruanin atë.
Punonjësit e shpëtimit në qytetin verior të Sirisë, Jinderis, zbuluan Aya-n më shumë se 10 orë pas goditjes së tërmetit, nën rrënoja dhe ende të lidhur me kordonin e kërthizës me nënën e saj.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.