Shqiptarët në emigrim janë nga të paktët popuj të Europës që u mohohet e drejta për të votuar përtej kufirit. Që nga viti 1990, nga vendi zyrtarisht janë larguar më shumë se 1.7 milionë shqiptarë. Politika, e cila ka mbetur në duart e Sali Berishës, Ilir Metës dhe Edi Ramës, ka qenë arsyeja kryesore se përse emigrimi ka qenë masiv në këto vite.
Janë sërish këta politikanë, të cilët pasi i larguan nga Shqipëria, nuk i lejojnë emigrantët të votojnë. Arsyeja: fare e thjeshtë; shqiptarët në Diasporë nuk u japin asnjë votë politikanëve që kanë 30 vite në pushtet.
Sali Berisha ishte ndër të parët politikanë që premtoi se do të mundësonte votën e emigrantëve. Pasi shijoi pushtetin prej vitesh, ai nuk u kujtua të çojë përpara këtë të drejtë legjitime.
Në vitin 2013, Edi Rama erdhi në pushtet me premtimin se do t'u mundësojë shqiptarëve përtej kufirit të drejtën e votës. Kanë kaluar 10 vite dhe sërish Rama premton si pa të keq sërish të njëjtën gjë.
Qartazi, asnjë parti politike nuk e ka dëshiruar votën e emigrantëve, pasi është një vullnet i cili nuk mund të kontrollohet, nuk mund të shitet e të blihet, si dhe nuk mund të cënohet nga patronazhistët. Për këtë arsye, secila parti është kujdesur që të krijojë pengesa artificiale, e duke e shtyrë sa më shumë këtë çështje.
I tillë ishte edhe rasti i një viti më parë kur shqiptarëve u mohua haptazi e drejta për të votuar më 25 prill. Këtë e ka vërtetuar edhe Gjykata Kushtetuese së fundmi me një vendim që ku konstaton cënimin e kësaj të drejtë për shkak të boshllëkut ligjor.
Për muaj me radhë, Damian Gjiknuri dhe Oerd Bylykbashi, bënë show me tryezat e takimeve, gjoja se po përshpejtonin punën që emigrantët të votonin. Në fund, të dyja palët kaluan në të njëjtën shfaqje duke thënë se ishte partia tjetër që nuk e mbështeti kauzën.
Teatri vijoi kur Manastirliu mbylli kufijtë duke urdhëruar të futej në karantinë çdo shqiptar që hyn nga Greqia ose Maqedonia e Veriut. Edhe ky vendim u kundërshtua nga Gjykata Kushtetuese.
Gjykata u ka lënë afat sërish partive politike dhe 1 vit kohë që të plotësojnë çdo kuadër ligjor që shqiptarët të votojnë. Edhe nga KQZ pranohet se çdo gjë është gati, përveç vullnetit të politikanëve për t'u dakordësuar.
Por a do të jenë të gatshme partitë politike që t'u ofrojnë këtë të drejtë shqiptarëve në Diasporë? Gjasat nuk duken optimiste, aq më tepër që politika shqiptare nga viti në vit i ngjan një rrumpalle nga e cila kërkojnë të përfitojnë vetëm një grusht politikanësh për t'u pasuruar.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
PERSONAZHI I VITIT
KLIKO PËR TË VOTUAR
Anri Kashiku
Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
Granit Xhaka
Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
Marin Mema
Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
Elvis Naçi
Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
Luiza Gega
Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
Robert Neçaj
Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
Kevin Qoku
Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
Fogerti
Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
Aleks Vishaj
Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
Rabie Koçi
Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Nënë Fatimeja
Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.