Mbrëmjen e djeshme është regjistruar një shpërthim i fuqishëm në një hotel të inauguruar kohët e fundit në Sarandë.
Pronari i hotelit, "Yacht Premium Hotel", Mariel Murati ku shpërtheu eksplozivi, aktualisht mban postin e drejtor në Fondit të Sigurimit të Detyrueshëm të kujdesit Shëndetësor në Sarandë.
Ai u shkarkua ne korrik 2018 si drejtor i ALUIZNI-t nga Ministrja e Drejtësisë aso kohe Etilda Gjonaj, e cila e çoi edhe për ndjekje penale.
Pas ngjarjes janë sekuestruar kamerat e sigurisë pranë hotelit për të bërë të mundur zbardhjen e plotë dhe identifikimin e autorëve të cilët hodhën lëndë plasëse në hyrjen e garazhit, por kamerat e hotelit nuk punonin.
Ndërkohë në dëshminë e tij Murati është shprehur se nuk e di se kush qëndron pas sulmit me tritol që iu bë hotelit të tij pasi nuk ka konflikte.