Ndeshjen më vendimtare për Milanin këtë sezon, atë kundër Sasuolos në transfertë të dielën do e arbitrojë Daniele Doveri.
Ky i fundit njihet si një nga arbitrat më të mirë sot për sot në Serinë A, por ajo që shqetëson tifozët e Milanit është “feja” futbollistike e Doverit.
Ai është akuzuar shpesh si "interist".
Në janar të këtij viti, pas finales së Superkupës së Italisë mes Juves dhe Interit, ky arbitër u pikas në aeroport me një valixhe ku spikaste stema e zikaltërve.
Kjo foto ka bërë bujë, ndërsa shqetësimi i ambienteve milaniste është legjitim pasi gara për titull mund të penalizohet nga ky arbitër.
Milanit i mjafton vetëm një pikë ndaj Sasuolos për t'u shpallur automatikisht kampion i Italisë, ndërsa Interi luan ndaj Sampdorias.
