JOQ Albania
App Store
SHKARKO
Home
JOQ Albania

Mali i Zi shtrëngon masat kufizuese, qytetari: Nuk na njohin vaksinën Pfizer, kërkojnë test në doganë
Shkruar nga: A Shehaj | Publikuar më: 14/09/2021 11:35

  • Share
  • Share
  • Share
  • Share

Ditën e sotme shtetasit shqiptarë që donin të udhëtonin drejt Malit të Zi janë përballur me probleme në pikat kufitare. Për shkak të rritjes së infektimeve me Covid si në vendin tonë dhe Mal të Zi, qeveria malazeze ka vendosur disa kritere që duhen plotësuar për të udhëtuar. Por përsëri edhe pse shqiptarët janë vaksinuar me dy doza ashtu siç kërkohet, dhe kanë teste PCR dhe antigjen me vete përsëri nuk janë lejuar të kalojnë. Një qytetar duke folur për mediat ka deklaruar se në kufi i kanë kërkuar një kod personal edhe pse janë të vaksinuar me të dy dozat e vaksinës Pfizer. Ai është shprehur se me të njëjtën vaksinë ka udhëtuar pa asnjë problem drejt Kosovës, por tani në Mal të Zi ka probleme, pasi iu kërkojnë të bëjnë teste të tjera. Më tej ai ka kërkuar që kryeministri të lirojë rrugën që të qarkullojnë si më parë.

Nuk mund të kaloj në Mal të Zi, ne i kemi bërë kto vaksinat që na ka dhënë shteti shqiptar. Por nuk po pranohen vaksinat që kemi bërë. Na thonë që duhet të kemi edhe kodin personal. Unë kam bërë vaksinën Pfizer. Unë sic kam kaluar në Kosovë ashtu kam ardhur të kaloj dhe në Mal të Zi po nuk na lejojnë. Kemi qenë rreth 600 persona, shkuam të fitojmë bukën e gojës, erdhi shteti i atyne dhe i joni po nuk gjetën zgjdhje. Na kërkojnë nga 23 euro për të bërë testin. Kërkojmë nga dogana shqiptare dhe nga kryemninistri që të na lirojë rrugën të qarkullojmë si më parë.