Fotografitë që tregojnë një fashë të madhe në pjesën e pasme të kokës së udhëheqësit të Koresë së Veriut Kim Jong-un në një takim zyrtar tërhoqën vëmendjen pasi u publikuan nga agjencia shtetërore e lajmeve. Kështu misteri që rrethon gjendjen e shëndetit të udhëheqësit “Suprem” të Koresë së Veriut vijon të shtohet. Kim Jong-un kohët e fundit është shfaqur në një paradë ushtarake me një shenjë të errët, që i ngjan një mavijosjeje, në anën e pasme të djathtë të kokës dhe në një dalje të dytë për ushtrinë e veteranëve shenja u mbulua me një fashë. Nga 24 deri më 27 korrik, udhëheqësi “trashëgues” i dinastisë Kim ndoqi një paradë ushtarake, ndërsa nga 27 deri më 29 korrik, ai ishte “i pranishëm” në një ngjarje për veteranët e ushtrisë.
Shenja në kokën e Kim është e kohëve të fundit, pasi që më 29 qershor, ai mori pjesë në Mbledhja e Byrosë Politike të Partisë së Punës nuk kishte shenjën dhe më 11 korrik, megjithëse Kim mori pjesë në një ngjarje muzikore, fotografitë e rrjedhura nuk treguan pjesën e pasme të kokës të dëmtuar.
Burimi: koreajoongangdaily |Përktheu dhe Përshtati: JOQ Albania
