JOQ Albania
App Store
SHKARKO
Home
JOQ Albania

Mjekët e shpallën foshnjën të vdekur dhe e futën në kuti, prindërit e dëgjuan të qante
Shkruar nga: V Gashi | Publikuar më: 02/08/2021 17:31

  • Share
  • Share
  • Share
  • Share

Detaje të reja kanë dalë në dritë në lidhje me foshnjën që humbi jetën në maternitetin e Tiranës. Kujtojmë se pak ditë më parë një foshnjë humbi jetën në maternitetin e Tiranës, pasi ishte transportuar aty pas lindjes nga qyteti i Pogradecit. Kujtojmë se policia ka vënë në ndjekje penale mjeken që e asistoi në maternitetin e Pogradecit, për mjekim të paligjshëm pas lindjes.

Tashmë raportohet se pas lindjes së parakohshme mjekët në Maternitetin e Pogradecit duke parë që fëmija nuk qante kanë menduar se ka lindur i pajetë. Por në fakt nuk ka rezultuar kështu. Foshnja ka lindur 24-javëshe dhe në kartelë është shkruar si abort.

Pas lindjes fëmija nuk ka qarë dhe stafi e ka vendosur në një kuti duke e konsideruar pa jetë. Ndërkohë, pas pak pak orësh një nga familjarët ka hyrë në dhomën ku mbahej fëmija dhe e ka dëgjuar të qajë. Menjëherë e kanë nisur në Tiranë, por fëmija nuk ka mundur të jetojë.

Babai i foshnjës ka deklaruar në polici të gjithë ngjarjen duke pranuar se foshnja u gjet në një kuti. Ndërsa policia sekuestroi kartelën mjekësore, mori deklarim të mjekes me iniciale G. Sh. e cila ka pranuar që ka qenë abort dhe më pas ka ndodhur një “mrekulli”, ndërkohë që ditën e sotme është dërguar dosja në prokurorinë e Pogradecit për veprime të mëtejshme.