Një shpërthim i ri Covid-19 në Kinë është përhapur në shumë vende, duke ngritur shqetësime në mediat lokale mbi cenueshmërinë e vendit ndaj variantit shumë ngjitës Delta. Më shumë se 300 raste janë zbuluar brenda një hapësire prej 10 ditësh. Qeveria ka vendosur kufizime të reja udhëtimi dhe po teston miliona qytetarë. Nuk është e qartë se sa qytetarë janë vaksinuar plotësisht në Kinë, megjithëse autoritetet thonë se më shumë se 1.6 miliardë doza janë administruar deri më tani. Gjithsej 15 provinca dhe bashki tani kanë konfirmuar raste, nga të cilat 12 janë të lidhura me një shpërthim që filloi në Nanjing në provincën lindore Jiangsu të Kinës. Autoritetet i kanë atribuar përhapjen variantit Delta dhe sezonit turistik vendas.
Edhe pse numrat e rasteve janë dukshëm më të ulëta se vendet e tjera, ai konsiderohet shpërthimi më i madh në muajt e fundit në Kinë, një vend që ishte kryesisht i suksesshëm në kontrollin e virusit brenda kufijve të tij vitin e kaluar. Rastet u shfaqën për herë të parë në korrik në aeroportin Nanjing, midis punonjësve që kishin pastruar një aeroplan që mbërriti nga Rusia.
Burimi: BBC | Përktheu dhe Përshtati: JOQ Albania