Gianmarco Tamberi i Italisë dhe Mutaz Essa Barsha i Katarit u shpallën të dy fitues të medaljes së artë në kërcim së larti. Pas tre provave, secila në 2.39 metra, dy sportistët përfunduan në barazim dhe për të shpallur fituesin zyrtarët i ofruan një garë tjetër. Ndërkohë ekipi i Katarit ndërhyri dhe propozoi që të shpalleshin të dy fitues. Kjo u pranua nga organizatorët të cilët u shprehën se çdo gjë do të varej nëse dy sportistët ishin në një mendje për këtë gjë. Para se të mbaronte së foluri Barsha, sportisti i Katarit, Tamberi ofroi dorën e tij për të rënë dakord për ndarjen e medaljes dhe u përqafuan me njëri-tjetrin.
Të dy sportistët humbën të tre përpjekjet për rekordin olimpik prej 2.39 metra kërcim së larti. 30-vjeçari Barsha ishte medalisti i argjendtë në Lojërat Rio de Janeiro 2016 dhe ishte gjithashtu në podium në Lojërat e Londrës 2012. Ai fitoi medaljen e artë të kampionatit botëror në shtëpi në Katar në vitin 2019. Gianmarco Tamberi është ish -kampion botëror në ambiente të mbyllura.
Burimi: Daily mail |Përktheu dhe Përshtati: JOQ Albania