Kryeministri Edi Rama ka deklaruar mbrëmjen e sotme se Shqipëria e ka çuar futbollin në Kinë. Ai tregoi se legjendën e Kombëtares Shqiptare, Loro Boriçin, e çuan t’u mësojë futbollin kinezëve, por ata u larguan nga stërvitja sapo filloi shiu.
“E çuan Loro Boriçin t’u mësojë futbollin kinezëve, se ne e kemi çuar futbollin në Kinë. Është e vërtetë. Filloi stërvitja me kinezët dhe filloi shiu, kinezët të gjithë ia futën vrapit. “Ku vini”, u tha Loro. Filloi shiu, thanë ata. “Po shiu ka punën e tij, ne kemi punën tonë”. E thirrën Loron në Komitetin Qëndror, e falenderuan dhe e bënë slogan”- tha Rama.