JOQ Albania
App Store
SHKARKO
Home
JOQ Albania

Pasi e humbi Skenderajn, Bekim Jashari e bën këtë veprim
Shkruar nga: B Hasi | Publikuar më: 19/10/2021 8:23

  • Share
  • Share
  • Share
  • Share

Lista e pavarur Bekim Jashari Ideal për Skenderaj ka deponuar sot mbi 10 ankesa në Panelin Zgjedhor për Ankesa dhe Parashtresa, që sipas kësaj liste kanë të bëjnë me vjedhjen e votave me sistemin e “trenit bullgar”, duke deformuar kështu vullnetin e shenjtë të qytetarëve të komunës sonë.

Në një postim në Facebook, Bekim Jashari kërkon nga Paneli Zgjedhor për Ankesa dhe Parashtresa si dhe Prokuroria e Kosovës që të hetojnë çdo keqpërdorim të procesit zgjedhor.

“Pas evidentimit të parregullsive të shumta që kanë ndodhur në shumë vendvotime në komunën tonë, sot kemi deponuar mbi 10 ankesa në Panelin Zgjedhor për Ankesa dhe Parashtresa që kanë të bëjnë me vjedhjen e votave me sistemin e “trenit bullgar”, duke deformuar kështu vullnetin e shenjtë të qytetarëve të komunës sonë. Nga vëzhguesit tonë në shumë vendvotime, gjatë numërimit të votave janë gjetur shumë fletëvotime të pavulosura për kryetar komune, mund të këtë edhe shumë tjera që nuk janë identifikuar në mungesë të komisionarëve tonë në vendvotime, për të cilat kërkojmë informacione nga ju qytetarë të dashur.

Në emër të demokracisë dhe vullnetit të shenjtë të qytetarëve kërkoj nga Paneli Zgjedhor për Ankesa dhe Parashtresa si dhe Prokuroria e Kosovës që të hetojnë çdo keqpërdorim të procesit zgjedhor”, shkruan Jashari.

Fadil Nura nga PDK-ja ka shënuar fitore në raundin e parë të zgjedhjeve në Skenderaj, me 57.99 për qind të votave. Bekim Jashari ka marrë40.64 për qind, ndërsa në vendin e tretë u rendit Sokol Halili me 1.37 për qind të votave.

Komisioni Qendror i Zgjedhjeve (KQZ) ka numëruar deri sot 98.41 për qind të votave në Skenderaj. Ka mbetur pa numëruar edhe një vendvotim nga gjithsej 75 sa ka komuna e Skenderajt.