JOQ Albania
App Store
SHKARKO
Home
JOQ Albania

KLANET E POLITIKËS/ Përçarja e ‘opozitës së bashkuar’, LSI thumbon Bashën në mediat Rilindase: Tradhtar!
Shkruar nga: F Tenolli | Publikuar më: 14/09/2021 16:59

  • Share
  • Share
  • Share
  • Share

Një kthesë të papritur ka marrë politika shqiptare, me hyrjen e opozitës në parlament. Nisur nga përjashtimi i Berishës nga grupi parlamentar i PD, nga ana e djalit “që vrau babain” e deri tek ‘prishja’ e LSI e përçarja me Monikën, pa lënë pa përmendur përgëzimin e Metës për zgjedhjen e Nikollës në krye të kuvendit. Në seancat e fundit parlamentare është vënë re një ftohje e dukshme midis Bashës dhe Kryemadhit, nisur nga vendimet kontradiktore të asaj që dikush quhej ‘opozita e bashkuar’ që do të rrëzonte Ramën.

LSI ka mbetur pa grup parlamentar në Kuvend, teksa kreu i PD ‘i braktisi’ duke ndihmuar aleatët e tij në zgjedhje duke i dhuruar deputetë në mënyrë që të formonin grupe parlamentare, duke përmendur këtu Fatmir Mediun e PR apo Mesila Dodën e PDIU.

Grupi Aleanca për Ndryshim, PR- Kryetar Fatmir Mediu

-Dashamir Shehi

-Agron Duka

-Vangjel Dule

-Lindita Metaliaj

-Elda Hoti

-Eralda Tase

Grupi për Demokraci dhe Integrim, PDIU- Kryetare Mesila Doda

-Ilda Dhori

-Andia Ulliri

-Nusret Avdulla

-Shpëtim Idrizi

-Selaudin Jakupllari

-Kasem Mahmutaj

Duke mos ndihmuar aleatët e tyre për të formuar një grup parlamentar, PD i ka hequr mundësinë LSI për t’i siguruar zyra në Kryesinë e Kuvendit, mundësinë për të patur një sekretar dhe Këshilltar, dhe duke i hequr kohë nga minutazhi për të folur enkas në seancën plenare. Krerët e grupeve parlamentare kanë trajtime financiare me të larta se deputetët e thjeshtë, me 9 mijë lekë shtesë.

Në momentin që Vasili kërkoi sqarim se pse deputetët e LSI nuk ishin përfshirë në komisione parlamentare, hasi në kundërshtimin e Bashës dhe përkrahjen e Taulant Ballës, por megjithatë nuk u mor parasysh. LSI e ka cilësuar Bashën si tradhtar nëpërmjet interviste publike të deputetëve të tyre në mediat Rilindase dhe se e ka përdorur kauzën e opozitës për interesa personale të Edi Ramës.

LSI i frikësohet një bashkëpunimi tjetër të mundshëm Rama-Basha në prapaskenë të ngjashëm me 17 Majin pas përjashtimit të Berishës nga PD, duke qenë se në këto zgjedhje dolën duarbosh si në numër deputetësh ashtu edhe në pozicione në politikë. Berisha ndërkohë ka nisur lëvizjet me besnikët e tij për rrëzimin e Bashës duke u vendosur në krahun e Metës dhe Kryemadhit.