Vëllai i Osama bin Laden, Ibrahim bin Laden ka nxjerrë në shitje vilën e tij të vjetër Bel Air për 28 milionë dollarë. Që pas sulmeve të 11 shtatorit kjo rezidencë ka qenë bosh. Ajo u ndërtua në vitin 1931, shtrihet në 7100 metra katrorë me shtatë dhoma gjumi dhe pesë banjo. Vëllai i Bin Laden e bleu rezidencën mesdhetare në vitin 1983 për vetëm 1,653,000 dollarë. Rezidenca ndodhet vetëm disa blloqe larg hotelit të famshëm Bel Air. Rezidencat ngjitur janë dy nga shtëpitë më të mëdha dhe më madhështore të Los Anxhelos, një rezidencë e stilit Tudor me 36 mijë metra katrorë në pronësi të sipërmarrësit me origjinë izraelite, Beny Alagem dhe një rezidencë tjetër 43 mijë metra katrorë në pronësi të Jeffrey Kaplan.
Familja Bin-Laden emigroi nga Jemeni në Arabinë Saudite në fillim të shekullit të 20-të dhe grumbulloi pasuri të madhe pasi krijoi një kompani ndërtimi që lidhi kontrata të mëdha duke përfshirë baza ushtarake dhe rinovime të mëdha në Xhaminë al-Haram në Mekë.
Burimi: lamag.com |Përktheu dhe Përshtati: JOQ Albania