Gruaja që shihni në foton që ilustrohet në vijim është Emanuela Daci, imazhi të cilës publikohet sot për herë të parë. Ajo është bashkëshortja e Almir Dacit nga Leshnica e Pogradecit, një prej luftëtarëve shqiptarë i cili në emër të krijimit të Khalifatit Islamik u vra në Siri. Inteligjenca kurde që edhe e ka skeduar përmes hapjes së një dosje të veçantë, nga informacionet e marra brenda kampit Al Hol ka mbërritur në përfundimin, se ajo merret me radikalizimin e mëtejshëm të grave dhe vajzave shqiptare brenda në kamp.
Sipas TCH, Emanuela Dacin konsiderohet si penguese dhe kërcënuese të grave dhe vajzave shqiptare për t’u kthyer në atdhe. Kujtojmë se ditën e djeshme kryeministri Rama tha se janë dy persona që kanë refuzuar të kthehen në atdhe, por nga informacionet e marra në rrugë inteligjente bëhet fjalë për persona që janë pengje brenda kampeve. Pra, janë persona që nuk shkëputen dot për shkak të frikës, pasi mund t’ju merret jeta.
Metodat e përdorura nga Emanuela Daci sipas autoriteteve të inteligjencës kurde janë nga më të ndryshmet. Daci u bën presion grave dhe vajzave shqiptare në Al Hol, se nëse do të pranojnë të kthehen në atdhe atëherë do tu heqin shamitë dhe nuk do të lejohen të kryejnë lutjet 5 herë në ditë. Emanuela Daci shihet edhe si personi përgjegjës për moslejimin e kthimit në Shqipëri, të Eva Dumanit vëllai të cilës Endri u kthye në Tetor 2020.
Endri Dumani falë kërkimeve brenda kampit Al Hol, u shpëtua, por Eva nën influencën e Emanuela Dacit u fsheh.
