Qeveria e Kosovës do të vendos reciprocitet me Serbinë kur të jetë e “përgatitur mirë” dhe nuk dëshiron që kjo ide të “dështojë”, tha sot kryeministri i Kosovës, Albin Kurti, në seancën e Parlamentit të Kosovës.
Kjo ka bërë që të reagojë i ashtuquajturi drejtor në detyrë i Zyrës për Kosovën, Petar Petkoviq, i cili pohoi se me kërcënimet se do të vendos masa reciprociteti ndaj Serbisë, Kurti po minon drejtpërdrejt dialogun dhe gjithçka që është rënë dakord dhe po shkon hapur në drejtim të përpjekjes për të destabilizuar situatën, raporton N1.
“Çështja e reciprocitetit është një eufemizëm për ngritjen e barrierave të reja ekonomike, ndaj të cilave serbët në Kosovë dhe Beograd u ekspozuan gjatë kohëzgjatjes së taksave kundër civilizimit prej 100 për qind. Prandaj do të ishte më mirë që Kurti t’i përkushtohej zbatimit të marrëveshjeve të arritura deri më tani, veçanërisht formimit të Asociacionit të Komunave Serbe, në vend të njoftimeve të tilla të lëvizjeve të njëanshme që prishin drejtpërdrejt dialogun”, deklaroi Petkoviq përmes një deklarate me shkrim për mediat.
Sipas mendimit të tij, deklarata të tilla përfaqësojnë një vazhdim të “pengimit të hapur ndaj dialogut dhe zyrtarëve nga Brukseli” të Kurtit, dhe mesazhi i fundit që Prishtina do të djegë testet për COVID -in e dhuruar nga Serbia “dëshmon urrejtjen ndaj Beogradit”.
“Në të njëjtën kohë, duke sulmuar në mënyrë më të mirë nismën “Ballkani i Hapur”, i cili duhet të mundësojë prosperitet dhe përfitime të reja ekonomike për qytetarët që jetojnë në këtë zonë, Kurti edhe një herë tregon të gjithë dritëshkurtësinë dhe ngecjen politike në të kaluarën”, pohoi Petkoviq.
Ndryshe, Kurti gjatë takimit të fundit në Bruksel, në kuadër të dialogut Kosovë-Serbi, kishte prezantuar para përfaqësuesve ndërkombëtar pikët e marrëveshjeve që shteti serb nuk po i zbaton edhe pse i kishte nënshkruar vite më parë.
