Për shkak të përhapjes së variantit Delta në Europë, shumë shtete kanë nisur të shtrëngojnë masat anti-Covid. Franca njoftoi pak ditë më parë se duke nisur nga 9 gushti nuk do lejohet asnjë qytetar që nuk ka pasaportë shëndetësore. Të njëjtën gjë po bën edhe Greqia, ku qeveria është shprehur e vendosur që në të gjitha shërbimet publike në ambientet e brendshme të vendosë për kontrollin e vizitorëve dhe klientëve. Vetëm ata që kanë testin Rapid ose PCR do të lejohen të futen në lokale dhe kafene. Testet do të paguhen nga vetë qytetarët. Kjo masë pritet të vihet në zbatim në vjeshtë, ndërkohë deri më 15 gusht do të vendoset nëse mësuesit e përballojnë koston e testit.
Kushti do të vlejë edhe për kompanitë private të cilat do të kërkojnë nga punonjësit dhe klientët apo furnizuesit të zbatojnë masat e sipërpërmendura. Qeveria shpreson se presioni i ushtruar nga masa të tilla do të rrisë frekuentimin e qytetarëve në qendrat e vaksinimit.
Burimi: tilestwara.com| Përktheu dhe Përshtati: JOQ Albania
