Festën e Ilindenit, Ditën e Republikës, e ka uruar edhe kryeparlamentari Talat Xhaferi.
“Ilindeni jeton, lind përsëri dhe përsëri, me çdo ditë të re, me çdo gjeneratë të re të rinjve që për çdo ditë përballen me sfida të reja, çdo ditë i bëjnë betejat e veta personale dhe kolektive për një të nesërme më të mirë, për një jetë më cilësore, zhvillim profesional dhe përkryerje dhe ardhmëri të sigurt. Kemi një shtet të përbashkët dhe të gjithë jemi përgjegjës ta ruajmë dhe zhvillojmë, për ne dhe për gjeneratat e ardhshme”, shkruan Xhaferi.
Edhe Zv/kryeministri Artan Grubi ka uruar qytetarët 2 gushtin festën e Ilindenit.
“Nga Krusheva deri në Ohër përpjekjet për liri dhe barazi janë ballafaquar me sfida të panumërta ndër dekada, sisteme dhe pushtete. Por idenë të cilës i ka ardhur koha dhe vullnetin e qytetarëve për të jetuar të lirë dhe të barabartë nuk e ndal dot asnjë pushtet. Kur shqiptarët, maqedonasit dhe të tjerët bëhen bashkë, i bëjnë ballë pengesave dhe hapin perspektivat për gjeneratat e ardhshme për të jetuar në paqë, liri, demokraci dhe në miqësi me kombet tjera. Pikërisht Ilindenin e shënojmë si një nga këto momente të bashkimit në histori për të ardhme të përbashkët më të mirë për të gjithë ne. Vetëm të bashkuar jemi më të fortë, më mirë, andaj gëzuar festën të gjithë qytetarëve të vendit tonë”, thuhet në urimin e Grubit.