Howard Rubin i konsideruar si krahu i djathtë George Soros, është akuzuar nga gjashtë gra se i ka rrahur gjatë seancave seksuale sadomasokiste në një 'shtëpi seksi’ të ndërtuar posaçërisht në apartamentin e tij në Manhattan. Rubin, 66 vjeç akuzohet se ka paguar gra deri në 5,000 dollarë për të marrë pjesë në "festat" që organizoheshin në banesën e tij. Tani disa nga gratë që morën pjesë në seancat e çuditshme të seksit po padisin financierin, duke pretenduar se ai kishte abuzuar me to, duke injoruar kontratën, duke shkuar përtej kufijve dhe marrëveshjeve që ata vendosën para seksit, dhe i lëndoi ato fizikisht.
Akuzat e para u bënë në Nëntor 2017, por gjithsej gjashtë gra tani po padisin Rubin për 18 milionë dollarë. Detajet u publikuan edhe nga "NewYorkPost" dhe thuhet se një grua u rrah aq keq saqë kirurgu i saj nuk ishte i gatshëm as që ta operonte pasi asaj i kishte rrëshqitur implanti i gjirit të djathtë. Një grua tjetër tha se ajo dhe Rubin kishin kryer marrëdhënie seksuale kundër dëshirës së saj. Ajo pretendon se teksa ishte e lidhur në dhomën e tij, ai i thoshte: “Unë do të të përdhunoj ashtu siç përdhunoj vajzën time”.
Burimi:dailymail Përktheu dhe përshtati:JOQ ALBANIA
