Është përcjellë për në banesën e fundit 31-vjeçarja shqiptare Anisa Shehu e cila u vra me thikë nga bashkëshorti i saj Florand Shehu. Ceremonia mortore është mbajtur këtë të hënë në varrezat e Dhafnit në Athinë, nën masa kufizuese ndaj covid, ku familjarë dhe të afërm të viktimës janë mbledhur për t’i dhënë lamtumirën e fundit. "TCH" ka mësuar disa detaje të reja në lidhje me këtë ngjarje të rëndë që ka tronditur opinionin publik në Greqi por jo vetëm. Mësohet se viktima fillimisht është goditur fort me grusht në fytyrë dhe trup, ndërsa ka shenja të goditjeve edhe në fytyrë, brinjë dhe në këmbë.
Ndërsa mjeku ligjor ka konstatuar edhe dëmtime të rënda prej dhunës fizike në kohën që ajo ka qenë ende gjallë, ndërsa dyshohet se autori pasi e ka rrahur, me gjasa viktima ka qenë në gjendje të fikëti, ndaj edhe nuk ka reaguar për tu mbrojtur në kohën që është goditur me thikë. Por ka dyshime të forta se autori e ka përdhunuar viktimën përpara se ti presë fytin me një thikë profesionale kuzhine që e kishe sjellë enkas nga lokali që kishte në pronësi.
