JOQ Albania
App Store
SHKARKO
Home
JOQ Albania

Vrasja e 31-vjeçares shqiptare në Greqi/ Flasin fqinjët: Policia greke dëgjoi sherrin dhe e injoroi
Shkruar nga: A Shehaj | Publikuar më: 02/08/2021 11:46

  • Share
  • Share
  • Share
  • Share

Detaje të reja kanë dalë në dritë në lidhje me ngjarjen e rëndë që tronditi Greqinë para pak ditësh mes një çifti shqiptarësh. Një fqinje e çiftit Shehu ka treguar për mediat greke se kur ata kishin dëgjuar sherrin që po ndodhte mes Anisës e cila u vra nga bashkëshorti, kishin njoftuar policinë por kjo e fundit e kishte injoruar si ngjarje. Më tej fqinja e tyre tregoi se prej dy vitesh ata kishin pasur shumë tensione.

Praktikisht pati shumë zënka mes tyre. Në përgjithësi ka pasur tension në shtëpi për dy vitet e fundit. Dëgjoja shumë zhurmë dhe kërkova ndihmë për Veprim të Menjëhershëm. Më thanë nga qendra e thirrjeve se makina patrulluese do të mbërrinte për 25 minuta. Sidoqoftë, për shkak se intensiteti i debatit mes çiftit ishte i madh, iu tregova nga telefoni se çfarë po ndodhte në shtëpinë ngjitur që ata ta dëgjonin përmes telefonatës. Brenda pak minutave, policia mbërriti në vendngjarje, por u largua pa ndërhyrë.
Policia hapi dritaren dhe u largua. Dola në ballkon dhe prita që ata të më telefononin për të hapur derën. Në fillim mendova se ata do të bënin një lëvizje në zonë. U larguan pa u ngjitur në shtëpi.

Zëvendës Shefi i Policisë së Atikës, Nikos Rigas, deklaroi se hetimi përkatës do të provojë nëse punonjësit e policisë i kryen detyrat e tyre.