DENONCIMI/ Qytetarja paguan ‘një mal’ me lekë për epilim me laser te “KEIT”: Qimet i kam më të forta, s’hapin telefonin!

Epilimi me lazer, në qendrat estetike, është shtuar në masë kohët e fundit në Shqipëri. Femrat më së shumti, por edhe meshkujt, e zgjedhin këtë metodë, për të mos patur vazhdimisht nevojë për depilim të përkohëshëm. Një nga klinikat, që ofron këtë shërbim është edhe “Keit”, e cila drejtohet nga Skerdi Faria. Në lidhje me këtë klinikë JOQ ALBANIA, ka postuar disa denoncime, për të cilat ka marrë edhe reagimin e vetë klinikës.

Së fundmi, në redaksinë e JOQ, ka mbërritur një denoncim, nga një qyetare, e cila preferon të mbetet anonime. Ajo ka treguar eksperiencën e vetë në shërbimin e marrë nga klinika “Keit”, përsa i përket epilimit me lazer. Qyetarja, rrëfen se ka bërë 12 seanca në klinikën Keit, (një numër shumë i lartë, përsa i përket epilimit) dhe nuk ka një rezultat të sukseshëm. Për këtë, ajo është ankuar edhe tek infermierja, me të cilën kishte kontaktet dhe rezultati jo i sukesshëm është pranuar edhe nga vetë klinika.

Mirëpo, qytetarja, nuk ka marrë mbrapsht, paratë që ka dhënë, duke mosllogaritur kohën që i kanë ngrënë seancat. Ajo ka tentuar edhe të kontaktojë me klinikën, por nuk i është hapur telefoni.

Denoncimi:

Pershendetje JOQ! Te lutem nese mund ta postosh denoncimin tim virtual se ligjor nuk e bej dot. Doja te ngrija nje shqetesim,denoncim apo mashtrim mund te quajme cfare te duam, ndaj KLNIKES KEIT per epilimin me laser qe ajo ofron! Klinika garanton qe sipas faktoreve te ndryshem rezultati quhet i suksesshem kur arrin 80% brenda 6-8 seanca epilimi. Une bera 12 seanca por asnje rezultat.Si pasoje kerkova demshperblim pasi nuk kisha mare ate rezultat qe ata premtonin dhe ato vet e pranuan DESHTIMIN,por nuk kemi c'te bjeme thane infermieret.Vlera qe kam paguar nuk eshte e vogel per mua,pa llogaritur mundimin dhe oret qe kam harxhur gjate 1 viti per te marre kete sherbim. Perpos te gjitha perpjekjeve te mia,per te marre demshperblimin takoj dr e financave te Keit qe me thote me bindje se do te kthej nje pergjigje brenda dites qe u takuam.Kjo nuk ndodhi pa dyshim,por per me teper recepsioni nuk me ngrinte tel sa here qe i bija dhe ne rastet me te mira me thoni qe do ja kalojme infon drejtoreshes.As profesionalizem as etike pune,asgje. Normalisht e kuptova qe sdo me kthente njeri pergjigje ,ndaj u interesova per te bere denoncim. Shkurt as me denoncim nuk zgjidhja gje por duhet te shkoja ne gjykate. Do te doja ta postoje kete shqetesim ne trajte denoncimi per KEIT por dhe informues se si zgjidhen situata te tilla. Jam e sigurt qe nuk eshte vetem rasti im keshtu,por gjths le te dherbeje per te tjerrt qe duan te marin sherbime nga kjo palo klinike. *Dergojne dhe sms qe ti vendosesh 5⭐ ne review,pervecse ta ka kerkuar infermierja gjate senaces. Te falenderoj! Gjithe te mirat,

Lidhur me denoncimin, JOQ ALBANIA, u përpoq të kontaktonte me Klinikën Keit, por nuk morëm një reagim të saktë. Madje stafi i JOQ, i bëri të ditur klinikës, emrin e denoncueses dhe infermieres që ka folur, por sërish asnjë reagim për rastin.

E vetmja gjë që tha klinika është:

Nese kane mundesi te na informoni se per cilen kliente behet fjale, do te kontrollojme skeden e saj te trajtimeve dhe do t’u kthejme pergjigje. (I japim emrin e infemrieres)

Pershendetje, te gjithe pacientet qe trajtohen me lazer nga ne ndiqen nga nje Infermiere, eshte e pamundur te dime se per ke behet fjale vetem me emrin e dikujt nga stafi yne. Gjithsesi, na jepni nje emer qe te kontrollojm te gjitha dokumentacionet tona qe te kemi mundesi t'ju japim nje pergjigje te sakte. (I japim emrin e qytetares)

Edhe mbiemrin ju lutem (Qytetarja nuk ka zgjedhur të japë mbiemrin)

(Kërkojmë reagim sërish, nuk marrim përgjigje)