Mijëra qytetarë dolën në rrugë të Dielën në Berlin për të protestuar kundër masave shtrënguese të qeverisë gjermane që kanë për qëllim të mbajnë nën kontroll situatën me koronavirusin. Pavarësisht se janë të ndaluara tubimet, zemërimi bëri që mijëra gjermanë të protestojnë dhe madje të përleshen edhe me policinë, duke çuar në 600 arrestime. Sipas Associated Press, Departamenti i policisë i Berlinit nxori në rrugë më shumë se 2,000 oficerë për të shpërndarë protestat, por tha se policët u “ngacmuan nga turma dhe u sulmuan”. “Ata u përpoqën të çanin kordonin e policisë dhe të tërhiqnin kolegët tanë. Kjo çoi në përdorimin e shkopinjve dhe dhunës fizike” shkruante policia e Berlinit në Twitter.
Ndërsa turmat u nisën nga lagja Charlottenburg e Berlinit përmes parkut Tiergarten drejt Portës së Brandenburgut, policia paralajmëroi se do të përdornin ujë nëse protestuesit nuk shpërndaheshin. Deri të dielën në mbrëmje, policia arrestoi rreth 600 persona.
Burimi: abcnews |Përktheu dhe Përshtati: JOQ Albania