Një tjetër ngjarje e rëndë është regjistruar në Rodos, Greqi, ku një 47-vjeçar nga Shqipëria që jeton në Ialyssos, ka sulmuar me thikë gruan e tij 36-vjeçare duke e plagosur rëndë. Shkak për ngjarjen u bë kërkesa e gruas për t'u divorcuar. Sipas asaj që fqinjët dëshmuan në Polici, mes çftit shpërtheu një grindje e ashpër pak para mesnatës së djeshme. Gruaja filloi të thërriste për ndihmë në momnetin që i shoqi nxori një thikë dhe filloi ta qëllonte. Më pas ai u largua nga shtëpia me motor dhe u kthye pas pak minutash. 36-vjeçarja filloi të thërriste përsëri për ndihmë kur burri i saj filloi ta qëllonte me thikë në qafë, bark dhe krahë.
Fqinjët fatmirësisht njoftuan përsëri Policinë, e cila mbëriti në vendngjarje dhe arrestuan 47-vjeçarin. 36-vjeçarja u transportua në spitalin e Rodosit për të marrë shërbimin e nevojshëm mjekësor dhe më pas doli nga spitali.
Burimi: thetoc |Përktheu dhe Përshtati: JOQ Albania