Ditën e sotme u regjistrua një ngjarje e rëndë në Florida, SHBA, ku një 27-vjeçare shqiptare u gjet e vrarë brenda makinës së saj. Mediat e huaja shkruajnë se bëhet fjalë për shtetasen Joana Peca, me origjinë nga Gjirokastra.
Kur oficerët mbërritën, ata e gjetën 27-vjeçaren të vdekur brenda makinës nga një plagë e dukshme me armë zjarri, ndërkohë që dy fëmijët e saj, ishin të padëmtuar, por të tmerruar. Aktualisht policia vazhdon të hetojë të dyshuarit e mundshëm për krimin e rëndë që i mori jetën shqiptares. Policia iu ka bërë thirrje gjithashtu qytetarëve që të raportojnë nëse kanë të dhëna mbi ketë ngjarje.
Ndërkohë, “BalkanWeb” mëson se e reja shqiptare kishte emigruar prej kohësh për një jetë më të mirë në SHBA, ku ishte vendosur në Florida. Po ashtu “BW” thotë se shumë vite më parë, 27-vjeçares i kanë ekzekutuar babain në Shqipëri në vitin 1996, ndërsa dyshohet se ishte përfshirë në çështje të trafikut të drogës.