JOQ Albania
App Store
SHKARKO
Home
JOQ Albania

Aksidenti tragjik në Mullet/ E shkuara e “errët” e shoferit, që pas aksidentit ia mbathi nga vendngjarja
Shkruar nga: V Gashi | Publikuar më: 01/08/2021 12:41

  • Share
  • Share
  • Share
  • Share

Një aksident me pasojë vdekjen e një personi u regjistrua tre ditë më parë në rrugën e Fikasit në Mullet. Ndërkohë, sapo është bërë me dije se policia e Tiranës ka arrestuar 32-vjeçarin që shkaktoi aksidentin, ku si pasojë e përplasjes së makinës që ai drejtonte me murin anës rrugës, humbi jetën pasagjeri në makinë. Raportohet se 32-vjeçari, emri i të cilit nuk bëhet i ditur ka qenë i dënuar më herët për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Njoftimi i policisë:

Në vijim të informacionit të dhënë mbi aksidentin e ndodhur në Mullet, me datë 30.07.2021, me pasojë humbjen e jetës së pasagjerit O. S., nga specialistët e Qarkullimit Rrugor u bë arrestimi në flagrancë për veprat penale “Shkelja e rregullave të qarkullimit rrugor” dhe “Largim nga vendi i aksidentit“, i shtetasit L. R., 32 vjeç, i dënuar më parë për veprën penale “Mbajtja pa leje dhe prodhimi i armëve, armëve shpërthyese dhe i municionit”. Materialet i kaluan Prokurorisë së Rrethit Gjyqësor Tiranë, për veprime të mëtejshme.