Padyshim finalja mes Anglisë dhe Italisë në Euro 2020 ishte ndër më të kontestuarat nga ana e tifozëve anglezë, të cilët kërkuan që ndeshja të luhet sërish. Momentet pikante nuk munguan gjatë sfidës, por ajo që do mbahet mend gjatë është pikërisht edhe momenti kur Giorgio Chiellini tërhoqi Bukayo Saka nga jaka, teksa luheshin minutata e fundit të kohës së rregullt dhe talenti anglez tentoi të kërcënonte portën e Italisë nga mesfusha. Por kapiteni i Italisë, Chiellini e dinte se çfarë mund të ndodhte po ta linte Sakan të kalonte, dhe e ndali atë me një kapje nga jaka e fanellës. Ky moment u bë viral dhe meme në rrjetet sociale aq sa një tifoz italian ka vendosur që ta “përjetësojë” atë duke e bërë tatuazh në krah.
