90 minuta nuk kanë mjaftuar për të përcaktuar fituesin e supersfidës Itali-Angli dhe për të bërë që njëra nga skuadrat të ngrejë kupën. Anglezët e nisën me eufori teksa shënuan në minutën e dytë me Luke Shaw, por më pas e ulën paksa ritmin e lojës. Me nisjen e pjesës së dytë, italianët u hodhën direkt në sulm dhe në minutën 67 Leonardo Bonucci shënoi gol.
30 minutat në vazhdim ishin më tepër ankth dhe dridhje zemre për tifozët e të dyja ekipeve sa herë kundërshtari afrohej në portë. Për të përcaktuar fituesin duhet të presim edhe 30 minuta të paktën, ose nëse nuk zgjidhet në shtesë atëherë gjithçka do vendoset nga pika e bardhë e penalltisë.
