Masat anti-Covid kanë prekur pothuajse çdo aspekt të jetës sonë dhe ndër ta është edhe lëvizja e lirë e njerëzve nga njëri shtet në tjetrin. Megjithatë edhe pse situata në vendin tonë duket se po shkon drejt normalizimit, për personat që kërkojnë të lëvizin jashtë kërkohet të plotësojnë disa kushte, njëri nga të cilët ka të bëjë pikërisht me testin negativ për Covid. Në lidhje me këtë, një qytetar ka shkruar në redaksinë JOQ Albania, ku shprehet se ditën e djeshme Policia Kufitare e Rinasit i ka shkaktuar një dëm të konsiderueshëm financiar. Qytetari thotë se kishte prerë biletën për të udhëtuar drejt Londrës dhe kur kishte paraqitur testin negativ për Covid, Policia Kufitare ka dyshuar se ai mund të jetë fallso dhe e ka shoqëruar në komisariat për të bërë disa verifikime.
Në përfundim të verifikimeve rezultoi se testi ishte i rregullt, mirëpo gjatë asaj kohe qytetari ka humbur avionin dhe për pasojë i është dashur të presë biletë tjetër prej 500 paundësh. Ai shprehet se procesi i verifikimit nuk merrte më shumë se 2 minuta, pasi mjaftonte një telefonatë në laboratorin ku qytetari kishte kryer testin, por siç shton ai këtë gjë e bëjnë vetëm me qëllim korrupsioni. Qytetari thotë gjithashtu se ka bërë denoncim në Ambasadën Angleze për atë që i ndodhi ditën e djeshme.
Mesazhi i mbërritur në redaksinë tonë: