Kryeministri Rama ka deklaruar shpesh se kurrë nuk lodhet së dëgjuari qytetarët që i parashtrojnë hallet e tyre, madje i mëshon faktit se ka shëtitur në çdo cep të Shqipërisë për të kërkuar njerëz hallexhinj. Por një video e filmuar ditën e sotme në Prrenjas, duket se hedh poshtë gjithë atë që pretendon KM. Një incident është shënuar gjatë një takimi elektoral të kyeministrit Rama me qytetarët. Teksa një grua është afruar drejt turmës për të folur për hallet e saj, dy policë janë filmuar duke e larguar me forcë dhe siç shkruan dhe qytetari që ka kapur momentin, efektivët e kanë penguar që ajo të mos parashtrojë problemet e saj.