Rey Manaj, sulmuesi i Kombëtares shqiptare dhe i Sivasspor, është përfshirë sot në një aksident automobilistik në qytetin e Sivas.
Ngjarja ka ndodhur në rrugën “Bagdat”, ndërsa 28-vjeçari po kthehej drejt banesës së tij. Sipas raportimeve paraprake nga mediat vendase, aksidenti ka shkaktuar vetëm dëme materiale, pa persona të lënduar.
Fatmirësisht, gjendja shëndetësore e Manajt paraqitet e mirë dhe ai nuk ka pësuar asnjë dëmtim. Edhe pse nuk ka qenë e nevojshme ndërhyrja e urgjencës në vendngjarje, futbollisti është paraqitur në spital për kontrolle rutinë, ku është konfirmuar se nuk ka probleme fizike.
