Një studim i veçantë ka sjellë një përfundim interesant: gazrat e grave kanë erë më të rëndë se ato të burrave, dhe këtë e thotë shkenca.
Sipas hulumtimeve, një person lëshon gazra deri në 23 herë në ditë, por aroma nuk është e njëjtë për të gjithë. Studimet tregojnë se te gratë niveli i komponimeve të squfurit, veçanërisht hidrogjen-sulfidi, është dukshëm më i lartë, duke shkaktuar aromë më të fortë.
Ky konstatim vjen nga një studim i vitit 1998 i gastroenterologut të njohur Dr. Michael Levitt, i ashtuquajtur edhe “Mbreti i Gazrave”. Ai analizoi gazrat e 16 të rriturve përmes një sistemi të posaçëm grumbullimi, pasi pjesëmarrësit kishin konsumuar fasule laroshe dhe një laksativ.
Mostrat u analizuan në laborator dhe iu nënshtruan edhe një testi nuhatjeje, ku dy gjyqtarë vlerësuan aromën nga 0 deri në 8. Rezultatet treguan se gazrat e grave kishin përqendrim dukshëm më të lartë të squfurit dhe u vlerësuan si më “të fortë” në erë se ato të burrave.
Megjithatë, studimet e mëvonshme sugjerojnë një anë pozitive: hidrogjen-sulfidi në sasi të vogla mund të ketë efekte mbrojtëse në tru. Kërkimet tregojnë se ky komponent ndihmon funksionimin e qelizave të trurit dhe se nivelet e tij bien me moshën, veçanërisht te pacientët me Alzheimer.
Një studim i vitit 2021 nga Johns Hopkins tregoi se minjtë me simptoma të Alzheimerit, të trajtuar me një përbërje të hidrogjen-sulfidit, shfaqën përmirësim rreth 50% në funksionet njohëse krahasuar me grupin pa trajtim.
Edhe pse këto rezultate nuk provojnë se e njëjta gjë ndodh te njerëzit, ato hedhin dritë mbi një rol të mundshëm mbrojtës të këtij gazi në tru.
Me pak fjalë, duket se edhe pse gazrat e grave mund të kenë aromë më të rëndë, shkenca sugjeron se ato përmbajnë një element që mund të jetë i dobishëm për shëndetin e trurit.
