Një mace që u kthye në një strehë kafshësh në Nju Xhersi, SHBA për shkak se ishte "shumë e dashur" ka gjetur një shtëpi të re.
Macja e quajtur Bruno mbërriti për herë të parë në strehën e kafshëve në Montville në nëntor, pasi fëmija i pronarëve të tij të mëparshëm u bë alergjik ndaj tij.Dy muaj më vonë, Bruno u adoptua nga një nënë beqare dhe një vajzë e vogël që kërkonte një kafshë shtëpiake. Por kur e morën në shtëpi, pronarja ndryshoi mendim për macen.
Ajo tha se macja e ngacmonte vazhdimisht atë duke e goditur në kokë. Gjithashtu macja flinte në shtratin e vajzës së vogël dhe të dy të qëndronin deri vonë për të luajtur.Kështu që një javë më vonë, pronarja vendosi ta kthente Brunon në strehimore pasi macja ishte shumë e dashur me vajzës e saj.
Streha e kafshëve e postoi historinë e Brunos në Facebook dhe kërkesat për ta birësuar s’kishin fund.
Për fat të mirë Bruno tani është birësuar dhe tani ka një shtëpi të re.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
