Ujësjellësi i Veliajt “gostit” me 200 milionë Shkëlqim Kupën, ndonëse katër të tjerë ofruan më pak  

Shkruar nga: M Gjini | Publikuar më: 28.01.2023, 22:11

Tenderat vazhdojnë përditë që të përdoren si një mënyrë për kalimin e fondeve nga populli në shërbim të firmave dhe oligarkëve që fshihen pas tyre. Ky proces i pandalshëm tashmë prej vitesh, rezulton se në mbi 95% të rasteve nuk ndiqet apo hetohet nga askush nga personat dhe institucionet që kanë detyrim ligjor për ta bërë.

Tenderi në vijim i denjë për hetim, është organizuar nga SH.A Ujësjellës Kanalizime Tiranë, institucion në varësi direkte të Bashkisë Tiranë. Numri i referencës është REF-51472-11-30-2022 dhe ka si objekt “Rikonstruksion rrjet ujësjellësi dhe spostim i kolektorëve të ujësjellësit në Tufinë (ish Poligoni Lazaret)”.

Fondi limit i procedurë është 20,236,944 lekë të reja pa TVSH ose rreth 242 milionë lekë të vjetra me TVSH. Nëse shohim dokumentacionin e kësaj procedure shikohet se fituese është shpallur kompania KUPA në pronësi të shtetasit Shkelqim Kupa.

Ky i fundit është akuzuar në disa media si person “maskë” pas të cilit fshihet një oligark i fuqishëm. Kompania në fjalë ka fituar për vlerën 16,166,797 lekë të reja pa TVSH ose rreth 200 milionë lekë të vjetra përfshirë TVSH.

Është mjaft interesant fakti se të paktën 4 kompani të tjera kanë ofruar vlera më të vogla sesa KUPA e megjithatë nuk kanë fituar. Ky fakt ngre dyshime se kemi të bëjmë me një fitues të paracaktuar i cili ka futur “në xhep” plot 200 milionë lekë nga paratë e taksapaguesëve të Tiranës.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit